Вакцина әрекет етеді

     Панфилов аудандық орталық ауруханасында 1-тамыз бен 8-тамыз аралығында  Ұлттық ана сүтімен тамақтандыру апталығы өткізілді.

  Күн тәртібінде :

1. «Ана сүті -ақуыз» атты дөңгелек үстел.

2. Босанған және туыт жасындағы әйелдерге кеңес өткізу. 

     Балалар емханасының меңгерушісі, аудандық педиатр дәрігер Молдабекова Ғ.Т алғашқы сөзді алып, жиналған аналарға апталықтың мақсатын түсіндіріп өтті. Аудандық педиатр өз сөзінде:  Халық денсаулығының жоғары деңгейде болуы - мемлекетіміздің тұрақтылығы мен гүлденуінің негізгі кепілі болашақ ұрпақта. Осыған орай келешектегі ұрпағымыздың  денсаулығының жақсы болуының негізі, қазіргі ана атанып отырған қыздарымыздың , ана сүтімен тамақтандыруында . ҚРДСМ  №164  «Ана мен бала мен денсаулығын қорғау және жақсарту»,  ДДСҰ «Балалық шақтың ауруларын ықпалдастыра емдеу» бағдармаламасына  сәйкес Сіздерге сапалы қызмет көрсетуге әрдайым дайынбыз. Бүгінгі аталып отырған апталығымыз «Ұлттық ана сүтімен тамақтандыру» жас аналар үшін ақпаратқа толы болады деп сенемін деп өз сөзін аяқтады. Жиналған аналарға ана сүтінің маңыздылығы, босанғаннан кейінгі әйелдің кеудесіне күтімі жайлы  лекциялар оқылды.

2017 жылдың 1-шілдесінен бастап міндетті әлеуметтік медициналық сақтандыру жүйесі енгізілді  және қорға жарна аудару жұмыстары басталды. Яғни, Қазақстанда тұратын әр адам үшін немесе шетелде тұратын әр қазақстандық үшін мемлекеттен, жұмыс берушіден және азаматтың өзінен қорға аударымдар мен жарналар түсуі тиіс.  2018 жылдың қаңтар айынан бастап Қазақстан Республикасының аумағында тұратын барлық сақтандырылған азаматтар және шығындарына мемлекет төлейтін азатаматтар санатына жататын тұлғалар МӘМС ауқымында медициналық қызметтер ала бастайды.  

     Жіті ішек жұқпалы аурулары – адамның ағзасына ауыз арқылы келіп түсетін, әртүрлі бактериялар себебінен орын алатын жіті ішек инфекцияларының аурулар тобы. Олар дәреттің бузылуымен қоса, асқазан-ішек жолдарының зақымдалуына әкеліп соғады.

    Жаз маусымының басталуымен аурудың деңгейі жоғарылайды. Оның басты себебі: тағамның сақталу ережелерінің бұзылуы, сапасыз суды пайдалану, жеке бас тазалығының сақталмауы.

    Ауруға өз бетімен емделіп, дәрігердің тағайындауынсыз дәрі ішуіне жол беруге болмайды. Іш өту кезінде дәрілердің көбі пайдасыз, ал кейбір жағдайларда тіпті зиян болады. Сондықтан бала құсып, іші өтіп жатса «Регидрон» ерітіндісі, қайнаған су, жеміс- жидек суы, күріштің қайнаған суы , айран түрінде қосымша сұйықтық берудің маңызы өте зор.

Есіңізде болсын:

— Жіті асқазан-ішек ауруларын көптеген бактериялар тудырады. Гигиена ережелері бұзылған жағдайда олар суда, тамақта, ойыншық бетінде болуы мүмкін. Ауру тудыратын микробтардың баланың аузына түсуіне жол бермеуге тырысыңыз.

— Баланы алты ай бойы тек қана емізу керек, 6-7 айлық кезінде оның ас мәзіріне таза, нәрлі, жақсылап дайындалған тағамды енгізуді бастаңыз.

— Балаға қолыңызда бар ең таза суды беру, берер алдында оны қайнатып, суытып қою қажет.

   Тек ананың сүтінде ғана баланы өмірінің алғашқы айларында инфекциялардан  қорғайтын иммундық қасиеттер бар. Ана сүтін еметін баланың іші өтсе де, ауыру жеңіл түрде өтеді, тез айығып кетеді.

Құрметтіата-аналар! Осы ұсыныстардың барлығын орындау Сіздің сәбиіңізді жіті ішек жұқпалы ауруларынан қорғауға және оның алдын алуға көмектеседі!

 Балалар  Емханасының реабилитация бөлімшесі 2017 жылдың  қаңтар айынан бастап  жұмыс  істеуде.

 Реабилитация  бөлімшесінде мына мамандар жұмыс істейді:

Реабилитолог: Малибаева  Гульмира  Хетиповна,

Логопед: Рысбекова  Гульнар Жетеновна.

Психолог: Маметова Айгуль Умбетқызы, Иса Айнур

Мейірбикелер:  Сыдыкова Маржан Турыстыевна, Иминова Алтункыз Ходжахметовна, Умирзакова Алтынай Сабитовна, Абылханова Меруерт Даулетханкызы.

Бөлімшеде мүмкіндігі шектеулі балаларға көмек көрсетіліп, әрөтүрлі түзету жұмыстары жүргізіледі. Анығырақ айтқанда:

1. Массаж түрлері (босаңсытатын, тоникалық, жалпы массаж);

2. Емдік дене шынықтырулар: жаттығулар, арнайы тренажорлар  және гимнастикалық шарлармен жүргізіледі;

3. Электрофарез;

Сонымен қатар балаларға логопед, психолог мамандарымен түзету жұмыстары:

1. Сөйлеу тілінің дамуы және сөйлеу қызметін қалыптастыру

2. Моншақтарды түсіне қарай орналастыру арқылы баланы икемділікке тәрбиелеу

3. Логопедиялық массаж

4. Артикуляциялық жаттығулар

5. Сөздік қорын арттыру

6. Қол-саусақ моторикасын дамытуға арналған ойыншықтар ойнатылады

Құрметті аудан тұрғындары! Көктем-жаз маусымында энтеровирусты инфекцияның өршуіне  байланысты, өз денсаулығыңыз бен өміріңізді сақтау үшін, инфекцияның  алдын алу жолдарын сақтаңыздар!

        Энтеровирусты инфекциялар – энтеровирустар тудыратын жіті аурулардың тобы,  ауыр емес қызба жағдайлардан ауыр менингиттерге дейін көптеген клиникалық көріністерімен сипатталады.

     Энтеровирустар сыртқы ортада орнықты және ұзақ уақыт бассейндерде, ағын суда, ашық суда, тұрмыс  заттарында, азық-түліктерде (сүт, жеміс, көкөніс) сақталады. Жылытқан, қайнатқан кезде вирус жылдам өледі.

Инфекцияның  берілу жолдары: 

- ауа-тамшы, 

- қарым-қатынас-тұрмыстық, 

- тамақ және сумен.

Инфекция  көздері аурулар мен вирус тасымалдаушылар, оның ішінде симптомсыз түрімен ауыратын аурулар болып табылады.

       2017 жылдың 24 – 30 сәуір аралығында Дүниежүзілік денсаулық сақтау ұйымының бастамасы бойынша Еуропа аймағында, соның ішінде Қазақстан Республикасында «Вакциналар әрекет етуде» ұранымен Еуропалық иммундау апталығы өткізіледі.