Триаж жүйесі
ҚР ДСМ 2017 жылдың 3 шілдесіндегі «Қазақстан Республикасында жедел медициналық көмек көрсету қағидаларын бекіту туралы» №450 бұйры ғына сәйкес ШЖҚ «Панфилов аудандық орталық ауруханасы» МКК стационарлық көмек көрсететін қабылдау бөлімшесі тәулік бойы жедел және кезек күттірмейтін медициналық көмек көрсетеді.
Қабылдау бөлімшесі құрылымында келесідей бөлмелер бар:
- тіркеу бөлмесі;
- пациенттерді байқау, келіп түскен сәтінен бастап емдеуге жатқызуға көрсетілімдері және болжамды диагнозы анықталғанға дейінгі шұғыл көмек көрсету бөлмесі;
- триаж жүйесі бойынша медициналық іріктеу нәтижелері ескерілген функционалдық сырғытқылар орналасқан аймақ (қызыл,жасыл,сары түсті табан іздерінің суреті жапсырылған);
- манипуляциялық бөлме;
- тәуліктік зертхана, рентген, компьютерлік томография, телемедицина, ультрадыбыстық және эндоскопиялық диагностика бөлмелері мен басқа да зерттеулер жүргізіу аймағы;
- келіп түскен пациенттерді санитариялық өңдеуге арналған бөлме.
Қарап-тексеру аймақтары төсекаралық төбеге арналған шымылдықтар арқылы бір-бірімен бөлінген мобильдік функциялық сырғыттқылармен жарақтандырылған.
Пациент қабылдау бөлімшесіне келіп түскен кезде мейірбике триаж жүйесі бойынша пациентке медициналық іріктеу жүргізеді. Іріктеу нәтижесі бойынша пациент дәрігердің қарауына бөлімшенің тиісті аймағына жіберіледі. Пациенттің жағдайын бағалау 60 секундтан аспайды.
Бағалау аяқталғаннан кейін пациент арнайы іріктеу санатының түсімен белгіленіп, білегіне бирка байланады.
Медициналық іріктеуге сәйкес шартты түрде пациенттер 3 топқа бөлінеді:
бірінші топ (жасыл аймақ) –медициналық көмекті аздап қажет ететін және одан әрі амбулаториялық емделу үшін үйіне жіберілген пациенттер және жоспарлы емдеуге жатқызылған пациенттер.
екінші топ (сары аймақ) – қабылдау бөлімшесіндегі төсекте жатқан шұғыл немесе кезек күттірмейтін көмек көрсетуді қажет етпейтін (немесе қабылдау бөлімшесінде бірнеше сағатқа байқауға қалдырылған пациенттер), сондай-ақ диагнозын нақтылау мен саралауға қалдырылған пациенттер;
үшінші топ (қызыл аймақ) – қабылдау бөлімшесінде шұғыл және кезек күттірмейтін медициналық көмек көрсетуді қажет ететін пациенттер.
Стационарға емдеуге жатқызуға көрсетілімдер болмаған жағдайда медициналық көмек көрсеткен маман емхананың тіркеу орнына хабарласып, науқастың жағдайы және сол науқасқа телімдік дәрігердің бару қажеттігі туралы хабарлама береді.
