ШЖҚ «Панфилов ауданаралық көпсалалы ауруханасы» КМК қызметкерлері   1-қазан қарттар күніне орай   денсаулық саласына өз үлестерін қосқан, өздерінен кейінгі жас мамандарды тәрбиелеп, бүгін де сол бейнетінің зейнетін көріп отырған зейнеткерлерге және зейнеткерлігін еңбекпен ұштастырып жүрген әріптестерге арналған салтанатты іс-шара өткізді. Бұл күні көп  жыл  денсаулық  саласында еңбек еткен, бүгінде қадірлі зейнеткер болып отырған аудандық аурухананың жұқпалы аурулар дәрігері болған Апизова  Меликам  Мақсұтқызын  70 жасқа толу мерей тойымен аурухана  директоры Т.Сарпеков құттықтап,  ыстық лебізін білдірді. Іс-шараға арнайы шақырылған зейнеткерлерге концерттік бағдарлама көрсетіліп, гүл шоқтары мен сыйлықтар табысталды.

Медициналық сақтандыру қоры @SaqtandyryBot телеграмм-ботты іске қосты

        @SaqtandyryBot телеграм боты халықты міндетті әлеуметтік медициналық сақтандыру туралы ақпаратпен хабардар етуге, сондай-ақ, кері байланыс орнатуға арналған.

2019 жылдың 15-наурызы күні Панфилов аудандық орталық аурухана қызметкерлері салауатты өмір салтын қалыптастыру бөлімінің мамандарымен бірлесіп туберкулез айлығына негізделген "Денсаулық - зор байлық" атты денсаулық минуты өткізілді. мақсаты: тұрғындарды салаутты өмір салтын қалыптастыруға тәрбиелеу, туберкулез ауруының алдын алу жолдарын дәріптеу. 

 Жаркент көпсалалы техникалық колледжінде  ШЖҚ «Панфилов аудандық орталық ауруханасы» МКК салауатты өмір салтын қалыптастыру бөлмесінің мамандары Оразбақова Г.С,  Шалимбаева Л.С  және  аудандық жастар орталығының бас маманы Ғ.К.Меделбековтың ұйымдастыруымен кездесу өткізілді. Кездесудің «Туберкулездің алдын алу», «Ерте жүктіліктің алдын алу» және «ауруларды басқару бағдарламасы» тақырыптарында өткізілді.  

1-наурыз  көктемнің алғашқы күнімен қатар ерекше мереке - алғыс айту күні екені бәрімізге мәлім. Бұл Қазақстан халқының ынтымағы мен бірлігі , бір-біріне деген құрметінің күні. Қазақстан халқы Ассамблеясының құрылған күні. Алғыс айту күні қарсанында Панфилов ауданындағы барлық емдеу мекемелерінде түрлі іс-шаралар ұйымдастырылып, өткізілді. Олардың бірі аудандық емханада ашық есік күні өткізіліп, мәжіліс залында ауданның денсаулық сақтау саласының дамуына үлестерін қосып, аянбай еңбек етіп жүрген қызметкерлерге алғыс білдіріп, гүлшоқтары табысталды. Барлық емдеу мекемелерінде келген емделушілердің өз алғыс, рахметтерін қағазға түсіру үшін арнайы  плакаттар ілінді. Ауруханада ем алып жатқан науқастар  ақ халатты абзал жандарға деген өздерінің алғыстарын, ыстық лебіздерін  бейнеролик арқылы жолдап жатты.  Медицина қызметкерлеріне айтылып жатқан ізгі тілектер мен алғыстар оларды одан әрі жігерлендіріп, жақсы көңіл-күй сыйлап,  күш-қуат беретіндігіне сенімдіміз!

      Аудандық орталық ауруханада  ауданның ересек халқына «кардиология жәнекардиохирургия», «травматология және ортопедия»,«неврология және нейрохирургия» бейіндері бойыншамедициналық реаблитация  жұмыстары жүргізілуде. Реаблитациялық шаралардың ерте басталуы, бұл ауру  асқынуларын болдырмауға  және де  толықтай  жазылуға мүмкіндік береді .Реаблитацияның бағыты –дене зақымдалған  физиологялық функцияларын қалпына келтіруге барынша бағытталған түрлі құралдарды кешенді пайдалану арқылы науқастың денсаулығын, еңбекке қабілеттілігін қалпына келтіру.Ауруханамыздағы реабилитация бөлмесінде келесідей медициналық  құрылғылар орналастырылып, халықтың мүддесіне қолданылауда:

- Модульдік саты «STEP» - жаяу жүрісті қалпына келтіру және түзету, тепе-теңдікті жаттықтыру, жүрісті үйлестіру жаттығулары жасалып, жүрісті қалпына келтіруге оңалту шаралары жүргізіледі.