Үстіміздегі жылдың 6-наурызы күні аудандық емхананың мәжіліс залында 8-наурыз халықаралық әйелдер күніне орай мерекелік іс-шара өтті.
Үстіміздегі жылдың 6-наурызы күні аудандық емхананың мәжіліс залында 8-наурыз халықаралық әйелдер күніне орай мерекелік іс-шара өтті. Іс-шара барысында аудандық аурухананың ер-жігіттері залда отырған барлық нәзік жандыларға гүл шоқтарын сыйлады.
Талай жыл денсаулық сақтау саласында еңбек етіп, бүгінгі күнде зейнеткерлікке шыққан қызметкерлер мен денсаулық сақтау саласының дамуына өз үлесін қосып жүрген әріптестерімізге марапаттар мен бағалы сыйлықтар табысталды. Дәл осы кеште аудан медицина саласында қызметте жүрген әріптестеріміздің арасында ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы, саяси қайраткер Абай Құнанбаевтың 175 жылдығына орай «Айттым сәлем,Қаламқас!» атты сайыс өткізілді. Сайысқа аудандық емхана, туыт бөлімі, Пенжім, Кішішыған және Қырыққұдық дәрігерлік амбулаторияларының қызметкерлері қатысып, бақтарын сынады. Әділ бағаларын берген әділ-қазы алқалары медицина саласының емес, басқа сала қызметкерлерінің қатарынан болды. Сайыста бас жүлдені Қырыққұдық дәрігерлік амбулаториясының мейірбикесі Молдабекова Айдана Серікқызы жеңіп алды. Барлық қатысушылар марапатталып, алған орындарына сәйкес сыйлықтар берілді.
Құрметті қыз-келіншектер, әпкелер, жеңгелер, апалар Сіздерді шуақты көктемнің керемет мерекесі 8-наурыз халықаралық әйелдер күнімен құттықтаймыз! Дендеріңізге саулық, отбасыларыңызға амандық, береке, бақыт тілейміз!
