16.11.2018ж аудандық аурухананың мәжіліс залында аурухана дәрігерлері мен аға мейірбикелері және аудандық ауруханада арнайы құрылған жұмыс тобы мүшелерінің қатысуымен «Сыбайлас жемқорлықпен күрес» тақырыбында  семинар өткізілді. Семинарда директордың орынбасары, топ жетекшісі еліміздегі сыбайлас жемқорлықтың алдын алу бағытында жасалып жатқан жұмыстар мен нормативтік-құқықтық актілер туралы, әсіресе, денсаулық сақтау саласында қолданылатын НҚА, денсаулық сақтау саласында көрсетілетін мемлекеттік қызметтер, денсаулық сақтау саласындағы жемқорлықтың алдын алу бойынша жасалып жатқан жұмыстар туралы баяндама жасады.

   2018 жылдың 7 қазаны күні ЖРВИ,тұмау және пневмакокк инфекциясының алдын алуға бағытталған «Ескерту, Қорғау, Егу!» ұранымен  аудандық емхана алдында медицина қызметкерлерінің қатысуымен акция өткізілді.                                                                                                                                                                               Акцияның мақсаты-вакцинация туралы дұрыс көзқарас қалыптастыру арқылы халықтың денсаулығын нығайту, сақтау. Адамдарға өзіне және өз отбасына денсаулық үшін таңдау жасауға және шешім қабылдауға көмектесу, вакцинациядан бас тартумен байланысты қауіп-қатерлерге жұртшылықтың назарын аудару. ЖРВИ, тұмау, пневмакокк инфекцияларының алдын алу шаралары туралы халықты хабардар ету. Акция барысында медицина қызметкерлері флешмоб билеп, аудио дыбыста хабарлама берілді және парақшалар тарқатылды. 

    1-қазан қарттар күніне орай  Панфилов ауданының медицина қызметкерлері аурухананың мәжіліс залында денсаулық сақтау  саласына өз үлестерін қосқан, өздерінен кейінгі жас мамандарды тәрбиелеп, бүгін де сол бейнетінің зейнетін көріп отырған, зейнеткерлікте жүрген еңбек ардагерлеріне арнап салтанатты іс-шара өткізді. Салтанатты кешке шақырылған ардагерлерге концерттік бағдарлама көрсетіліп, естелік сыйлықтар беріліп, мерекелік дастархан ұйымдастырылды.  Іс-шараға келе алмаған барлық  ардагерлердің үйіне барып, гүл шоқтары мен сыйлықтар табысталды. Оған қосымша ауданның барлық емдеу мекемелерінде ашық есік күні ұйымдастырылып, емханаға келген барлық қарттарға кезексіз, тегін медициналық көмек көрсетілді. 

2018ж 1-7 тамыз аралығында Дүниежүзілік баланы емізу апталығына орайластырылған «Емізу-бала саулығының негізі» атты ұранмен апталық өтті. Апталықтың мақсаты - Әйелдерге бала денсаулығы үшін емізудің пайдасы туралы ақпарат беру, үгіт-насихат жұмыстарын жүргізу.  Емізу-нәрестені тамақтандырудың ең үздік тәсілі, баланың дұрыс дамуы үшін нәрлі элементтерден тұратын сәбиге арналған ең жақсы тағам және кең таралған  балалар ауруынан баланы қорғауға көмектесетін антидене екенін түсіндіру. Жер бетіндегі тіршіліктің өзегін келешекке жалғаған, өсер ұрпағына ізгіліктің дәнін сепкен аналар, Әйел- ана, Әйел –өмір, Әйел- тіршілік өзегі. Ал, осы тіршілік өзегінің, барша адамзаттың нәрі- Ана сүті.                                                                                                                                             Осы  апталық барысында 3 - тамыз күні «Қарлығаш» балабақшасының қызметкерлері арасында «Емізу-бала саулығының негізі» атты лекция оқылды.                                                                                                                                                  4- тамыз күні аудандық Аудандық  жастар ресурстық орталығында  18-24 жас аралығындағы жастар арасында дөңгелек үстел өткізілді.                                               7 –тамыз күні балалар емханасы мен салауатты өмір салтын қалыптастыру бөлмесінің мамандары бірлесіп « Ана сүті – тіршіліктің нәрі » тақырыбында   акция өткізді. Ана сүтімен емізудің пайдасы мен маңызы туралы балалар емханасының аға мейірбикесі Нұралиева А.Қ кеңес беріп,өмірден көптеген мысалдар келтіріп, қатысушы аналармен ой бөлісті. «2 бала тағдыры » тақырыбында сахналық көрініс көрсетілді. Көріністе ана сүтімен тамақтанған бала мен кеудеге салынбаған баланың айырмашылығын айқын көруге болатын қойылым көрсетілді. Сонымен қатар мақал мәтелдер айтылып, бейнероликтер көрсетілді. «4-3-4» алгоритмі бойынша әңгіме –кеңес жұмысы жүргізілді.

«SOS медициналық жүйесі»

      «Қазақстан Республикасында жедел медициналық көмек көрсету қағидаларын бекіту туралы» Қазақстан Республикасы Денсаулық сақтау министрінің 2017 жылғы 3 шілдедегі № 450 бұйрығына сәйкес Панфилов аудандық орталық ауруханасының қабылдау бөлімінде 2018 жылдың 18 шілдесінде  «SOS медициналық жүйесінің» жаңартылған үлгісі орнатылды. Бұл жүйе бойынша қабылдау бөлімінің қызметкері триаж жүйесі бойынша қызыл аймаққа   шұғыл және қарқынды медициналық көмекті қажет ететін науқастар түскен кезде  «SOS» қызыл нүктені басып, қажетті мамандарды шақыра алады. Қажетті мамандардың ұялы телефонына сол мезетте хабар түсіп, шақыртылған дәрігер қабылдау бөліміне түседі. Аурухана директоры мен орынбасарларына және аурухана бөлімдерінің дәрігерлеріне «SOS медициналық жүйесінің» ұялы телефондары берілді.  Барлық аурухана бөлімдерінің қызметкерлері «SOS медициналық жүйесі» бойынша оқытудан өткізіліп, оқу-жаттығу сабағына реаниматолог, хирург, педиатр, терапевт, невропатолог дәрігерлер мен мейірбикелері қатысып, сертификат алды.